Frímann miðar

Verð á vörum og þjónustu sem söluaðilar veita Frímann félögum.

Ferðaávísun

Fram að þessu hefur félagsmönnum stéttarfélaga staðið til boða að kaupa gistimiða sem eru gefnir út af hótelum og gistiheimilum og eru eyrnamerktir þeim. Miðarnir hafa venjulega verið verðlagðir með margra mánaða fyrirvara og eru bundnir við tiltekinn gististað. Sá sem miðann hefur keypt hefur ekki getað breytt áætlunum sínum nema með mikilli fyrirhöfn.

Öll umsýsla þessara miða hefur verið þung í vöfum, bæði fyrir stéttarfélögin og hótelin. Uppgjör hefur verið tímafrekt enda þarf að gefa út fjölmarga reikninga. Allnokkuð hefur auk þess borið á óánægju meðal kaupenda miðanna þegar betri tilboð bjóðas

Ferðaávísunin er rafræn en hana kaupa félagsmennirnir á orlofsvef síns stéttarfélags. Félagsmaðurinn kaupir ávísun í ákveðinni upphæð sem er skilgreind af hverju félagi fyrir sig. Ávísunina notar félagsmaðurinn svo til að greiða fyrir þjónustu á hóteli.

Ef handhafi ferðaávísunar vill breyta ferðaáformum sínum, eða ef hótelið er fullbókað þá nótt sem hann hyggst gista, getur hann fyrirhafnarlaust notað ávísunina hjá öðrum samstarfsaðilum. Ef hann vill stærra herbergi eða kaupa aukna þjónustu þegar á hólminn er komið, greiðir hann mismuninn. Að sama skapi getur sú staða komið upp að hann fullnýti ekki ávísunina sem hann keypti, ef hann rekst á hagstæðara tilboð.

Félagsmenn hafa val um fleiri en eitt hótel og geta nýtt ávísunina með öðrum sértilboðum sem frá hótelunum berast. Þegar niðurgreiðsla stéttarfélaganna til félaga sinna leggst við bestu kjör sem hótelin geta boðið, leiðir það til einstakra afsláttarkjara fyrir þennan stóra hóp fólks.

Félagsmenn munu geta skoðað heimasíðu með þeim tilboðum sem hótel og gistiheimili gera þeim hverju sinni. Hvert hótel getur haft margar vörur á boðstólnum; allt frá stakri nótt upp í fleiri nætur með máltíðum eða annarri þjónustu. Dorado gerir þá kröfu til samstarfsaðila að betri tilboð fyrir sömu vöru sé ekki að finna annars staðar.

Icelandair

Tilboð: 27.000 kr

30.000 kr. inneign í flugferð með Icelandair. Gildir sem greiðsla upp í fargjald og skatta og önnur gjöld í beinu áætlunarflugi til allra áfangastaða Icelandair. Hægt er að nota þetta gjafabréf sem greiðslu upp í pakkaferð sé hún bókuð á vefnum. Gjafarbréf hafa 5 ára endingu.

Air Iceland Connect

Verð til orlofssjóða: Samkomulagsatriði.

Air Iceland Connect býður stéttarfélögum að kaupa inneignarbréf fyrir félagsmenn upp í flug með Flugfélagi Íslands með 10% afslætti.
Inneign á hverju bréfi er 7.500 kr en stéttarfélagið greiðir 6.750 kr. ATH að það er sjálfsagt að hafa upphæð á hverju bréfi hærri ef þið óskið eftir því, það þarf bara að vera sama upphæð á öllum bréfum í sömu pöntun.
Senda þarf tölvupóst á This email address is being protected from spambots. You need JavaScript enabled to view it. með upplýsingum um fjölda bréfa sem óskað er eftir að kaupa ásamt greiðslukortaupplýsingum (nota þennan öryggislink til að senda kortanúmer: https://www.flugfelag.is/kortaupplysingar ). Bréfin verða gefin út um leið og greiðsla hefur borist. Flugfélagið sendir svo excel skjal á stéttarfélagið með númerum á þeim inneignarbréfum sem keypt voru.

Inneignina er einungis hægt að nota þegar bókað er á www.flugfelag.is og er hægt að nota hana upp í öll almenn fargjöld sem eru bókanleg þar hverju sinni.
Inneignabréfin gilda í 2 ár frá útgáfudegi og er lágmarkspöntun 10 inneingnarbréf hverju sinni.

Úrval Útsýn og Sumarferðir

Úrval-Útsýn og Sumarferðir bjóða stéttarfélögum að kaupa inneignarbréf fyrir félagsmenn sína sem hægt er að nota í pakkaferðir á þeirra vegum. Inneign á hverju gjafabréfi er 30.000 kr. og stéttarfélög fá 5.000 kr. afslátt af hverju bréfi.   

Óskað er eftir því að stéttarfélag gefi samsvarandi eða hærri afslátt á móti til sinna félagsmanna. 

Gjafabréfin gilda ekki í jóla- og páskaferðir.  Gildistími er 2 ár frá útgáfudegi.   Hver félagsmaður getur keypt allt að 2 gjafabréf á ári og  má nota 2 gjafabréf í bókun,  ef tveir eða fleiri eru bókaðir saman í bókun.

Ferðaskrifstofan sendir excel skjal á stéttarfélagið með númerum á þeim inneignarbréfum sem keypt eru.  Senda þarf beiðni um kaup í tölvupósti á This email address is being protected from spambots. You need JavaScript enabled to view it..

Kort

Hægt er að hafa samband við okkur og láta virkja þessi kort strax. Ekki er nauðsynlegt að kaupa upp lager af kortum þar sem söluaðilar senda kort beint til félagsmanna. Félög fá rukkun mánaðarlega eða í lok sumars.